...ÉG VERÐ AÐ SEGJA YKKUR.....

          

Ég má til með að segja smá sögu hérna...aþþí hún er svo ógó krúttleg....

Í gærkveldi...eftir ótrúlega magnaðan fótboltaleik...ákváðum við hjónakornin að fara bara í bíltúr...róa taugarnar og taka myndavélina með....

Minnstan slóst í hópinn og við rúntuðum hingað og þangað... 

Við stífluna í Ártúnsholti vildi Magginn mynda einhvern foss sem hann sagði vera þarna í grenndinni og Minnstan skokkaði með...

Ég ákvað hins vegar að sitja eftir í bílnum og hlusta á Mugison og Hemma Gunn...og pára nokkur orð á blað...kannski ljóð eða eitthvað....

  

Það var myrkvað þarna...en í skiminu frá einum götuvitanna sá ég þokkalega til að skrifa....og hafði meira að segja soldið fyrir því sko...

Ég sökkti mér í verkefnið...en skyndilega...var bankað á bílrúðuna....obbobobb hvað mér brá!!!Ég horfði í augun á ókunnum manni...með hjálm...og skrúfaði ofurvarlega niður rúðuna...og bauð gott kvöld...með hjartað á tvöhundruðogtuttugu...Honum virtist létt...en spurði hvort það væri í lagi með mig...hvort ég væri ókei??? Já...ég hélt það mú...???

Hann sagðist hafa hjólað framhjá...fannst bíllinn standa á furðulegums stað...og sá bara einhverja hrúgu í ankannalegri???....stellingu...eða svo virtist honum allavega....

  

Ég sannfærði hann um að allt væri í fínu lagi...ég hefði það bara mjög gott...en mér fannst frábært að hann skyldi tékka....en ekki bara hjóla framhjá...án þess að vita hvort eitthvað voveiflegt væri á seyði....alvöru samferðamaður...sem lét sig aðra varða....

Ég meina...ég hefði getað verið dauð...eða slösuð...undir einhvers konar áhrifum...eða hvað það nú er sem hent getur fólk....og hann athugaði máli...en hjólaði ekki bara áfram...veltandi fyrir sér því sem hann sá...

  

Mér finnst ég einhvern vegin ekki hafa þakkað þessum manni nógsamlega...var eiginlega bara of hissa...svo ef þið þekkið hann...þá skiliði kæru þakklæti....frá mér....

    

Í BÍLNUM VIÐ STÍFLUNA....

  

Sit í bíl og skrifa orð á blað

 

sit og gleymi alveg stund og stað

 

orðin renna frá mér ótt og títt

 

á blaðsíðunum skapa eitthvað nýtt

 

hugurinn á heljarinnar ferð

 

heltekinn af minni ljóðagerð

 

ég húki ein í myrkum bíl við veg

 

og tilveran er alveg yndisleg.

  

Myrkrið grúfir yfir bílinn minn

 

og fyrir utan velkist heimurinn

 

ég sökkvi mér í orðagjálfrið eitt

 

og eftir öðrum hlutum tek ei neitt

 

en skyndilega þögnin rofin er

 

það bankað er á rúðuna hjá mér

 

þótt hrokkið hafi við þá er ég góð

 

í augu ókunns manns ég horfi hljóð.

  

Hann hugðist bara hjóla þennan veg

 

en fannst mín staða eitthvað undarleg

 

bíllinn þarna einn og ljósalaus

 

og veran inn í honum hengdi haus

 

af hugulsemi sýndi kærleik sinn

 

að staðnæmast við dimman bílinn minn

 

og kanna hvort þar eitthvað væri að

 

hvort eitthvað gruggugt hefði átt sér stað.

 

Við horfumst svo í augu augnablik

 

og á hann sé ég koma soldið hik

 

spyr samt hvort mér líði ekki vel

 

ég sé að honum er ekki um sel

 

En hugga strax og skýri róleg frá

 

veru minni þarna, þar og þá

 

segi honum að ég sé ekki ein

 

og enginn hafi unnið mér neitt mein.

   

Hann anda varpar léttar er hann fer

 

með þakklæti og kveðjusöng frá mér.

 

ég sit og horfi á hann hjóla burt

 

af hugulsemi hafði hann mig spurt

 

hvort væri allt í lagi konu hjá

 

sem þakkar það og gleðst yfir að sjá

 

að Miskunnsamur samverji fer um

 

á Íslandi á krepputímunum.

 

BH 2009.

      

 

 MUNA: Betra er að ljúka smáverkinu en skilja stórvirkið eftir ólokið.

-Stígðu í fyrsta þrepið í góðri trú.  Þú þarft ekki að sjá allann stigann. Stígðu fyrsta skrefið -

-Gleðstu yfir lífinu því það gefur þér tækifæri til að elska, til að starfa og til að leika þér..…og til að horfa á alstirndan himininn…

ES: Vitiði hvað Magginn sagði þegar ég sagði honum frá þessari óvæntu heimsókn???"...Ógó praktískur: Af hverju kveiktirðu ekki ljósið í bílnum?????

Döhhhhh.....

Athugasemdir

[Hrönn Sigurðardóttir, 22.4.2009 kl. 23:56]

hehe Maggi góður!

[Brattur, 23.4.2009 kl. 00:57]

Skemmtilega saga og ljóð... var þetta eftir 4-4 leikinn?

[Sigrún Jónsdóttir, 23.4.2009 kl. 14:06]

Magginn góður!

Gleðilegt sumar og takk fyrir þína yndislegu pistla

[Ragnhildur Jónsdóttir, 23.4.2009 kl. 19:21]

Frábært ljóð og gott að vita að hugulsemin hefur ekki gleymst á "þessum síðustu og verstu"

[Linda Linnet Hilmarsdóttir, 25.4.2009 kl. 15:30]

Knús knús og ljúfar kveðjur :0)

[gaddur, 25.4.2009 kl. 16:52]

Þú ert frábær og flott ljóðið gott að einhver athugar ef hann heldur að eitthvað sé að svo margir sem eru svo afskipta lausir.Kveðja

[Anna Margrét Bragadóttir, 26.4.2009 kl. 18:27]

Magginn góður

[Guðrún Arna Möller (IP-tala skráð) 27.4.2009 kl. 13:20]

Gott að heyra svona góða sögu úr samtímanum.  Maður er svo tilbúinn til að búa sig undir að manneskja vilji gera manni illt ef hún veitir manni athygli, sérstaklega ef dimmt er úti....

Knús á þig krúsan mín!